रोहनले बिहानको खाजा खाए, कालो जिन्स, ठूलो सेतो टिसर्ट र खैरो ज्याकेट लगाए।
रोहनले बसपार्क नजिकको पसलबाट चुइगम किने र नागपोखरी जाने बस चढे।
रोहन नागपोखरी पुगे।
रोहन पुतलीसडकको स्टार मल पुगे। त्यहाँ उनलाई कार्यक्रम ढिलो सुरु हुने जानकारी दिइयो।
'कमेडी दरबार' कार्यक्रम सुरु भयो र सबैलाई फोन बन्द गर्न भनियो। रोहनले आफ्नो फोन बन्द गरे।
ममतालाई एक अपरिचित नम्बरबाट ह्वाट्सएपमा भिडियो कल आयो। कल गर्नेले आफूलाई प्रहरी बताउँदै, रोहनलाई अपहरण गरेको र १० लाख रुपैयाँ फिरौती माग्यो।
ममताले छिट्टै कल गर्छु भनेर २४ मिनेट लामो कल अन्त्य गरिन्।
ममताले आफ्नो श्रीमानलाई फोन गरिन्। तुरुन्तै, अपहरणकर्ताले फेरि कल गरेर छिटो पैसा मिलाउन धम्की दियो।
ममताले घटनको जानकारी आफन्तलाई दिइन्।
छिमेकीले सम्झाएपछि, ममता प्रहरीकहाँ जान सहमत भइन्।
ममता र छिमेकी प्रहरी वृत्त पुगे।
ममताका अर्का आफन्त काठमाडौँ उपत्यका अपराध अनुसन्धान कार्यालय पुगे।
ममता काठमाडौँ उपत्यका अपराध अनुसन्धान कार्यालय आउन ढिलो भएपछि प्रहरीको टोली उनको घरतर्फ अरू विवरण सङ्कन गर्न लाग्यो।
ममता टेकु प्रहरी कार्यालय पुगिन्। प्रहरीले उनीसँग सोधपुछ सुरु गरे।
रोहन 'कमेडी दरबार' हेर्न स्टार मल गएको हुनसक्ने जानकारी पाएपछि, प्रहरीको एक टोली त्यसतर्फ प्रस्थान गर्यो।
'कमेडी दरबार' को पहिलो सत्र सकियो। रोहनले दोस्रो सत्र पनि हेर्ने निर्णय गरे।
ब्रेकको समयमा रोहनले आफ्नो फोन अन गरे। तुरुन्तै उनलाई आमा ममताको फोन आयो र उनले आफू पुतलीसडकमा भएको जानकारी दिए।
प्रहरीले रोहनलाई स्टार मलबाट लिएर टेकु प्रहरी कार्यालयमा पुर्यायो।
सम्पूर्ण अनुसन्धान र प्रक्रियापछि, प्रहरीले रोहनलाई ममताको जिम्मा लगायो। यो घटना अपहरण नभई फोन ह्याक गरेर गरिएको एक स्क्याम भएको पुष्टि भयो।